የአዳማ ሳይንስ እና ቴክኖሎጂ ዩንቨርስቲ ከስፔስ ሳይንስ እና ጂኦስፓሻል ኢንስቲትዩት ETRSS-2 ለተሰኘችው ሁለተኛው የመሬት ምልከታ ሳተላይት ፕሮጀክት የማማከር አገልግሎት ለማግኘት የሚያስችል የመግባቢያ ስምምነት ተፈራርመዋል።

በስምምነቱ የኢንስቲትዩቱ ዋና ዳይሬክተር አቶ አብዲሳ ይልማ በዘርፉ በኮሪያ ሀገር የሰለጠኑ ባለሙያዎችን እና በውጪ ሀገራት የሚኖሩ ትውልደ ኢትዮጵያዊ ባለሙያዎችን በጋራ በማሳተፍ እቅዳችንን እንደሚያሳካልን እንተማመናለን ብለዋል።

ETRSS-2 (ሁለተኛው የመሬት ምልከታ ሳተላይት) ከፍተኛ የምስል ጥራት 0.5 ሪዞሊሽ ያላት ሲሆን የቆይታ ጊዜዋም 5 ዓመት እደሚሆ እና የአዋጭነት ጥናቱም በኢንስቲትዩቱ ባለሙያዎች መከናወኑንም ገልፀዋል።የአዳማ ሳይንስና ቴክኖሎጂ ዩኒቨርሲቲ ፕሬዝዳንት ዶ/ር ለሚ ጉታ ታላቅ ሀገራዊ ፕሮጀክትን የማማከር አገልግሎት እንድንሰጥ ኢንስቲትዩቱ ስለሰጣቸው ሀላፊነት አመስግነዋል።

ፕረዘዳንቱ በዩንቨርስቲው ያሉትን የዘርፉ ባለሙያዎች እና በውጪ ሀገራት የሚገኙትን በማቀናጀት የሚጠበቅባቸውን ሁሉ ለመወጣት ዝግጁ መሆናቸውን ገልፀዋል።የስፔስ ሳይንስና ጂኦስፓሻል ኢንስቲትዩ E ETRSS-2 የተሰኘችዉ ሁለተኛው የመሬት ምልከታ ሳተላይት ለማምጠቅ የሚስችል ሀገራዊ ፕሮጀክት በመቅረጽ የቅድመ ዝግጅት ስራዎች በማከናወን ላይ ይገኛል፡፡